Sree Plava Nama Samvatsara Karkataka Rasi / Cancer Sign Telugu Rasi Phalalu 2021-2022

 

2021 - 2022 శ్రీ ప్లవ నామ సంవత్సర కర్కాటకరాశీ రాశీ ఫలాలు

 

పునర్వసు నక్షత్ర 4 వ పాదం లేదా పుష్యమీ నక్షత్ర 1,2,3,4 పాదములు లేదా ఆశ్లేషా నక్షత్ర 1,2,3,4 వ పాదములలో జన్మించిన వారు కర్కాటక రాశికి చెందును.

శ్రీ ప్లవ నామ సంవత్సరంలో కర్కాటక రాశి వారికి ఆదాయం 14, వ్యయం - 02, రాజ పూజ్యం - 06, అవమానం - 06

 

పూర్వ పద్దతిలో కర్కాటక రాశి వారికి వచ్చిన శేష సంఖ్య "7". ఇది శ్రీ ప్లవ నామ సంవత్సరంలో కర్కాటక రాశి వారికి వ్రుత్తి వ్యాపారాలలో , కుటుంబ వ్యవహారములలో విజయాన్ని సూచించుచున్నది.

 

కర్కాటక రాశి కర్కాటక రాశి వారికి శ్రీ ప్లవ నామ సంవత్సరంలో అనగా 13-ఏప్రిల్-2021 నుండి 01-ఏప్రిల్-2022 వరకు ఉన్న తెలుగు కాల మాన సంవత్సరంలో గురు గ్రహం వలన సంవత్సరం అంతా అనుకూల ఫలితాలు ఏర్పడవు. గత శార్వరి నామ సంవత్సరం మాదిరిగానే గురు గ్రహం వలన ఇబ్బందులు కొనసాగును. ముఖ్యంగా గురువు 20-నవంబర్-2021 నుంచి తీవ్ర ఆర్ధిక సమస్యలు  ఏర్పరచును. స్వార్జిత మరియు పిత్రార్జిత ధన సంపదలు రెండూ వ్యయం అగును. వ్యక్తిగత జాతకంలో గురువు నీచ క్షేత్ర లేదా శత్రు స్థానాలలో కలిగి ఉన్న కర్కాటక రాశి వారికి  శ్రీ ప్లవ నామ సంవత్సరం అంతా గురు గ్రహానికి తరచుగా అభిషేకాలు, శాంతి జపములు అవసరం.

 

కర్కాటక రాశి వారికి శ్రీ ప్లవ నామ సంవత్సరంలో శని వలన ఉద్యోగ జీవనంలో కొద్దిపాటి ఉన్నతి లభించును. కష్టం మీద పదోన్నతి మరియు ప్రయత్నాలు విజయం పొందును. జాతకంలో శని వలన కళత్ర దోషం కలిగిన వారు ఈ సంవత్సరం కూడా వివాహ జీవనంలో ఇబ్బందులు ఎదుర్కొందురు. కర్కాటక రాశి వారందరికీ శ్రీ ప్లవ నామ సంవత్సరంలో కూడా విశేష ఆరోగ్య సమస్యలు ఏర్పడు సూచనలు ఉన్నాయి. ఆరోగ్య విషయాలలో అజాగ్రత్త పనికిరాదు. శ్రీ ప్లవ నామ సంవత్సరంలో కర్కాటక రాశి వారికి ఏలినాటి శని లేదు.

 

కర్కాటక రాశి వారికి శ్రీ ప్లవ నామ సంవత్సరంలో రాహువు - కేతువు ఇరువురూ మంచి అనుకూల ఫలితాలు ఏర్పరచును. కర్కాటక రాశి వారికి ఆర్ధిక అంశాలలో ఏమైనా మిగులు ధనం ఉన్నదంటే అది రాహు - కేతువుల వలననే ఏర్పడును. ప్రభుత్వ ఉద్యోగ ప్రయత్నాలు చేయు వారికి విజయం ఏర్పరచును. సంతాన ప్రయత్నాలు చేయు వారికి చక్కటి సంతాన సౌఖ్యం ఏర్పరచును. కర్కాటక రాశి వారికి రాహు-కేతువుల వలన శ్రీ ప్లవ నామ సంవత్సరంలో ఎటువంటి ఇబ్బందులు ఏర్పడవు.

 

ఏప్రిల్ 2021 కర్కాటక రాశి రాశీ ఫలాలు:

ఈ మాసంలో ఉద్యోగ జీవనంలో ఆశించిన గుర్తింపు లభించును. వ్యక్త్రిగత సమస్యల నుండి బయట పడతారు. ఉద్యోగ  వ్యాపారాదులలో ఆశించిన స్థాయిలో లాభములు కలుగును. కుటుంబములో మీ మాట నెగ్గును. పుష్యమి నక్షత్ర జాతకులకు సంకల్ప సిద్ధి ఏర్పడును. ద్వితియ వారంలో విహార యాత్రలు ఏర్పడును, కుటుంబంతో సంతోష సమయం గడిపెదరు . 9వ తేదీ నుండి  ధనార్జన పరంగా నిలకడైన జీవనం ఆరంభం అగును. నూతన వాహన లేదా గృహ ప్రయత్నాలు ఫలిస్తాయి. కళత్ర జీవనంలో సౌఖ్యం లభించును. ఉన్నత వర్గం వారితో స్నేహం -  తన్మూలక లాభం పొందేదురు. ఇతరులకు మీ మీద ఉన్న విశ్వాసాన్ని నిలుపుకోగలుగుతారు.

 

మే 2021 కర్కాటక  రాశి రాశీ ఫలాలు:

ఈ మాసంలో అన్నివిధాలా ఆదాయం బాగుండును. స్వశక్తితో అన్ని కార్యములు పూర్తి చేయగలుగుతారు. విదేశీ సంబంధ ప్రయత్నములకు , వివాహ ప్రయత్నములకు , సంతాన ప్రయత్నములకు ఈ మాసం  చక్కటి అనువైన కాలం. ఆర్ధిక రుణాల నుండి బయట పడతారు. కుటుంబ సభ్యుల ప్రేమాభిమానాలు  చక్కటి ఉత్సాహం ఏర్పరచును. 20,21,22 తేదీలలో మిత్ర సంబంధ వ్యవహారముల వలన ఒక  నష్టం ఎదుర్కోను సూచన.

 

జూన్ 2021 కర్కాటక రాశి రాశీ ఫలాలు:

ఈ మాసంలో ఆరోగ్య సమస్యలు కొద్దిపాటి చికాకులను ఏర్పరచును. సమస్యల పరిష్కారానికి చాకచక్యత అవసరం. ధనాదాయం సామాన్యం. భాత్రువర్గం వారితో విరోధములు నష్టములు ఏర్పరచును. మానసిక చాంచల్యత సంబంధ అనారోగ్యం వలన 18, 19 తేదీలలో ఇబ్బందులు ఎదుర్కొందురు. 20 వ తేదీ తదుపరి వృత్తి ఉద్యోగ వ్యాపారాదులలో కొంత అనుకూలత మరియు జయం ఏర్పడును. ఈ మాసంలో ధార్మిక కార్యక్రమాలకు ధనం అనుకోని విధంగా ఖర్చు పెట్టవలసి వచ్చును.

 

జూలై 2021 కర్కాటక రాశి రాశీ ఫలాలు:

ఈ మాసంలో ఆలోచనలు ఉద్రేకపూరితంగా ఉండును. ఎటువంటి కారణం లేకుండా కోపం, చిరాకు ఏర్పడుచుండును. ఆచార సంప్రదాయములను విడిచి వ్యవహరించేదురు. ధనాదాయం సామాన్యం. అనారోగ్య సమస్యలు కొనసాగును. కుటుంబ పరంగా కఠినమైన నిర్ణయాలు తీసుకొనవలసి వచ్చును. బంధు మిత్రుల ఆదరణ , చేయూత ఆశించిన విధంగా  ఉండదు. చివరి వారంలో ఉద్యోగ జీవనంలో అనుకూలమైన మార్పులు ఏర్పడును. వినోద సంబంధ వ్యయం చేయుదురు. ఈ మాసంలో 3,8,11,13,17 తేదీలు అంత అనుకూలమైనవి కావు.

 

ఆగస్టు 2021 కర్కాటక రాశి రాశీ ఫలాలు:

ఈ మాసంలో ఆదాయములో పెరుగుదలకు సూచనలు కలవు. శరీర అరోగ్యం సహకరించును. మనసు ఉల్లాసంగా ఉండును. గత కాలపు పెట్టుబడుల నుండి ఆశించిన రాబడి ప్రారంభమగును. కొన్ని వివాదాల నుండి ఉహించని విధంగా బయట పడతారు.ఈ మాసంలో 14, 15, 16 మరియు 17 తేదీలలో కార్యానుకులత లభించును. ప్రభుత్వ రంగంలోని వారికి అదనపు భాద్యతలు లభిస్తాయి , కార్య భారం పెరుగుతుంది. ఔషధ సంబంధ వ్యాపార రంగం లోని వారికి చక్కటి అభివృద్ధి లభించును. యువకుల ఆలోచనలు సక్రమ మార్గంలో ఉండును. చిన్న పిల్లల  ఆరోగ్య విషయాలలో జాగ్రత్త అవసరం. నూతన వస్తువులు ఈ మాసంలో కొనుగోలు చేయుట అంతగా కలసిరాదు.

 

సెప్టెంబర్ 2021 కర్కాటక రాశి రాశీ ఫలాలు:

ఈ మాసంలో ప్రయత్న ఆటంకములు ఎదురైనా అంతిమంగా విజయం లభించును. ధనాదాయం సామాన్యం గా ఉండును. సేవా కార్యక్రమాల్లో పాల్గొంటారు.యుక్తితో సమస్యల నుండి బయట పడతారు. ద్వితియ , తృతీయ వారములు  వివాహ ప్రయత్నాలకు అనుకూలమైనవి. ఈ మాసంలో నూతన ఆదాయ మార్గముల కొరకు చేయు ప్రయత్నాలు అతి కష్టం మీద విజయం పొందును. ఇతరులు తమ మాట నిలబెట్టుకోరు. 23 వ తేదీ నుండి 29 వ తేదీల మధ్య కాలంలో  కుటుంబ పెద్దలతో గొడవల వలన మానసిక అశాంతి ఎదురగు సూచన ఉన్నది.

 

అక్టోబర్ 2021 కర్కాటక రాశి రాశీ ఫలాలు:

ఈ మాసంలో వృత్తి , ఉద్యోగ , వ్యాపారములలో ఆశించిన స్థాయిలో లాభములు ఏర్పడవు. ఇతరుల సహకారము ఆశించిన విధంగా ఉండదు. ధనాదాయం తగ్గును. ప్రయాణాలు తీవ్ర ప్రయాసలతో కూడి ఉంటాయి. కుటుంబ సభ్యుల వలన అనారోగ్య మూలక ధనవ్యయం ఎదుర్కొందురు.  మాసం మధ్యలో దైవదర్శన లేదా పుణ్య క్షేత్ర సందర్శన ఏర్పడుతుంది. ఆధ్యాత్మిక వేత్తల పరిచయం ఆనందాన్ని ఇస్తుంది. 18 వ తేదీ తదుపరి సంతాన ప్రయత్నాలకు అనుకూలమైనది. మాసాంతానికి ప్రశాంతత లభించును. ఈ మాసంలో  5,14,20,29 తేదీలు అంత అనుకూలమైనవి కాదు.

 

నవంబర్ 2021 కర్కాటక రాశి రాశీ ఫలాలు:

ఈ మాసంలో ఇష్టమైన వ్యక్తులతో అదిక సమయం గడపగలుగుతారు. అయితే  ఆశించిన విధంగా ధనాదాయం ఉండదు. సంతానం వలన సౌఖ్యత అనుభవిస్తారు. నిర్ణయాలలో జాప్యం వలన సమస్యలు ఎదుర్కొందురు. ప్రధమ వారంలో భాగస్వామ్య వ్యాపారములలో నష్టం పొందుటకు సూచనలు ఉన్నవి. నూతన వ్యవహారాలు ముందుకు సాగవు. ద్వితియ వారంలో ఉద్యోగ జీవనంలో ఆకస్మిక నష్టములు లేదా అధిక కార్య భారం ఎదుర్కొందురు. 16,17,18 తేదీలలో గౌరవ హాని సూచన. మాసాంతంలో ప్రయాణ మూలక వ్యయం  అధికమగుట మరియు ఆరోగ్య భంగములకు కూడా సూచనలు ఉన్నవి.

 

డిసెంబర్ 2021 కర్కాటక రాశి రాశీ ఫలాలు:

ఈ మాసంలో ఆశించిన రుణాలు పొందగలుగుతారు.శ్రమకు తగిన విధంగా శరీర ఆరోగ్యం సహకరించును. 10 వ తేదీ వరకూ ప్రయత్నములు అతి కష్టం మీద విజయవంతం అగును. 10 వ తేదీ తదుపరి వ్యాపార విస్తరణ కు అనుకూలమైన సమయం. ఈ కాలంలో మీరు తలపెట్టిన మధ్యవర్తిత్వ కార్యములు విజయవంతం అగును. కోర్టు వ్యవహారములకు కూడా ఈ మాసం అనుకూలం . గృహ వాతావరణంలో సంతోషములు మధ్యమ ఆనందములు ఇచ్చును. ఈ మాసంలో 18,24, 25, తేదీలు అనుకూలమైనవి కావు. 15,16 తేదీలు  వివాహ ప్రయత్నములకు అనుకూలమైనవి. ఈ మాసంలో ధనాదాయం కొంత తగ్గును. 

 

జనవరి 2022 కర్కాటక రాశి రాశీ ఫలాలు:

ఈ మాసంలో సామాన్య ఫలితాలు ఏర్పడును. ఈ మాసంలో నూతన పనులు ఆరంభించకూడదు.భూ సంబంధ లేదా వారసత్వ సంబంధ చికాకులు ఎదుర్కొందురు. ద్వితియ వారంలో నూతన వస్త్ర లాభం పొందేదురు. ధనదాయంలో కూడా కొంత  పెరుగుదల లభించును. తృతీయ వారంలో కుటుంబంలో చక్కటి వాతావరణం ఏర్పడును. చివరి వారం  ప్రారంభం నుండి మాసాంతం వరకూ చేతిలో ధనం నిలువదు. వృధా వ్యయం ఎదుర్కొందురు. చికాకులు కలిగించే మరియు ప్రయోజనం లేని  ఫలించని ప్రయాణములు చేయవలసి వచ్చును.

 

ఫిబ్రవరి 2022 కర్కాటక రాశి రాశీ ఫలాలు:

ఈ మాసంలో గృహంలో విందు భోజనములు, అతిధులకు ఆతిధ్య సంబంధ వ్యయం ఎదుర్కొందురు. గృహంలో వాస్తు మార్పులు చేయుటకు ఈ మాసం అనుకూల కాలం. సంతానం తో చికాకులు ఏర్పడినప్పటికీ మాసాంతమునకు బుధ గ్రహ బలం వలన తొలగును. తృతీయ వారంలో ఉద్యోగ జీవనంలో ఉన్నతి. ఆశించిన ప్రమోషన్లు ఏర్పడును. అందరి మన్ననలను పొందుదురు. మాసాంతంలో సామాన్య ఫలితాలు.

 

మార్చి 2022 కర్కాటక రాశి రాశీ ఫలాలు:

ఈ మాసంలో వ్యాపారములో లాభములు పెరుగును. చక్కటి ప్రోత్సాహం లభించును. పోటీ దారులు తొలగును. ఆశించిన ప్రభుత్వ కాంట్రాక్టులు లభించును. ప్రధమ వారంలో కళత్ర సంబంధ అనారోగ్యం వలన మనస్తాపం అనుభవిస్తారు. మిత్రుల సహకారంతో కెరీర్ పరంగా వృద్ధి లభించును. ద్వితియ వారంలో ఆకస్మిక ధన వ్యయములు , విదేశీ ఉద్యోగ ప్రయత్నాలలో జాప్యం మరియు ప్రభుత్వ సంబంధ అడ్డంకులు ఎదుర్కొందురు. తృతీయ వారం నుండి మాసాంతం వరకూ సామాన్య ఫలితాలు ఏర్పడును.

Sree Plava Nama Samvatsara Midhuna Rasi / Gemini Sign Telugu Rasi Phalalu 2021-2022

 

2021 - 2022 శ్రీ ప్లవ నామ సంవత్సర మిధునరాశి రాశీ ఫలాలు

 

మృగశిర 3 , 4 పాదములు లేదా ఆరుద్ర 1,2,3,4 పాదములు లేదా పునర్వసు 1,2,3 పాదములలో జన్మించిన వారు మిధునరాశికి చెందును.

2021- 2022 శ్రీ ప్లవ నామ సంవత్సరంలో మిధున వారికి ఆదాయం - 05 వ్యయం - 05 రాజ పూజ్యం - 03

అవమానం - 06

 

పూర్వ పద్దతిలో మిధున రాశి వారికి వచ్చిన శేష సంఖ్య "1". ఇది శ్రీ ప్లవ నామ సంవత్సరంలో మిధున రాశి వారికి చేపట్టిన వ్రుత్తి సంబంధ కార్యములలో విజయాన్ని సూచించుచున్నది.

మిధున రాశి వారికి శ్రీ ప్లవ నామ సంవత్సరంలో అనగా 13-ఏప్రిల్-2021 నుండి 01-ఏప్రిల్-2022 వరకు ఉన్న తెలుగు కాల మాన సంవత్సరంలో గురు గ్రహం వలన 19-నవంబర్-2021 వరకు అనేక ఆటంకాలు, ఉద్యోగ జీవనంలో ఆకస్మిక నష్టాలు, సంతాన సంబంధ అనారోగ్యత , దాయాదుల వలన న్యాయస్థాన సమస్యలు , రక్త లేదా మెదడు నరాలకు సంబందించిన ఆరోగ్య ప్రమాదాలు ఏర్పరచును. 20-నవంబర్-2021 నుంచి గురు గ్రహం మిధున రాశి వారికి పూర్తిగా అనుకూలించును. వారసత్వ సంబంధ సమస్యలు తొలగి స్థిరాస్తి లాభములు అనుభవింపచేయును. మిధున రాశి కి చెందిన సంతానం కలిగిన తల్లిదండ్రులు కూడా 20-నవంబర్-2021 తదుపరి మంచి ఫలితాలు ఎదుర్కొందురు. అన్ని విధములా గురు గ్రహం 20-నవంబర్-2021 నుండి అనుకూల ఫలితాలు ఏర్పరచును.

 

మిధున రాశి వారికి శ్రీ ప్లవ నామ సంవత్సరంలో శని వలన అనుకూల ఫలితాలు ఏర్పడవు. ఆరోగ్య సమస్యలు కొనసాగును. వృద్ధులైన తల్లిదండ్రుల కు ఈ సంవత్సరం అంతా ప్రమాద కరమైన కాలం. వారి ఆరోగ్య విషయాల పట్ల సదా జాగ్రత్తగా ఉండవలెను. శనైశ్చరునికి ఒక పర్యాయం శాంతి జపం జరిపించుకోనుట మంచిది. మిధున రాశి వారికి శ్రీ ప్లవ నామ సంవత్సరంలో ఏలినాటి శని దశ లేదు.

 

మిధున రాశి వారికి శ్రీ ప్లవ నామ సంవత్సరంలో రాహువు - కేతువు వలన వ్యాపార సంబంధ, వివాహ సంబంధ న్యాయస్థాన తగాదాలలో విజయం లభింపచేయును. అయితే సంవత్సరం అంతా తరచుగా వృధా వ్యయం ఎదుర్కొందురు. ఆర్జించిన ధనం చేతిపై నిలువదు. అనుకున్న విధంగా నిలువ ధనం ఏర్పరచుకోలేరు. స్నేహితుల వలన ఆర్ధిక సంబంధ ఇబ్బందులు, నమ్మక ద్రోహం ఏర్పడును. భాగస్వామ్య వ్యాపారం చేసే వారు ఆర్ధిక అంశాలలో జాగ్రత్తగా ఉండవలెను. 

 

ఏప్రిల్ 2021 మిధున రాశి రాశీ ఫలాలు:

ఈ మాసంలో మిశ్రమ ఫలితాలు ఏర్పడును. సంసార సంబంధంగా చికాకులను చక్కదిద్దడంలో విజయం సాధిస్తారు.ఆర్ధికంగా ఇబ్బందులు  ఉండవు. ధనాదాయం బాగుండును. రుణ బాధలు తొలగుతాయి. భూ సంబంధ పెట్టుబడులు నష్ట పరచును. వాహన సంభందిత వ్యయం ఏర్పడును. ద్వితియ తృతీయ వారములలో ఉద్యోగ మరియు వ్యాపారములలో ధనలాభం, విజయం. శ్రమకు తగిన ఫలితం, గుర్తింపు ఏర్పడును. శుభ కార్యములు వాయిదా వేస్తారు. మాసాంతంలో ఆర్ధిక పరంగా వృద్ది పొందుతారు. విద్యార్ధులకు మంచి కాలం. ఆశించిన విద్యా అవకాశములు పొందగలరు. ఈ మాసంలో 2,7,8, 11 తేదీలు అనుకూలమైనవి కావు.  

 

మే 2021 మిధున రాశి రాశీ ఫలాలు:

ఈ మాసంలో ముఖ్యమైన కార్యములను అనుకున్న విధంగా పూర్తి చేయగలరు. పిత్రు వర్గం వారి సహకారం లభించును. ధనాదాయం సామాన్యం. రాజకీయంగా పదవులు, హోదా పొందుటకు  ప్రయత్నాలు చేయుటకు ఇది అనువైన కాలం. సంతాన ప్రవర్తన కొంత ఆందోళన కలుగచేయును. విదేశి  ప్రాంతం లో స్థిరత్వం కొరకు చేయు ప్రయత్నాలు ఫలించును. వ్యాపార రంగంలోని వారికి నూతన పెట్టుబడులు లభించును. వ్యాపార విస్తరణ కు ఇది అనుకూల కాలం. మాసాంతంలో ప్రతిభ కు తగిన ప్రోత్సాహం ఉండును. ఉదర సంభందమైన సమస్యలు భాదించగలవు.

 

జూన్ 2021 మిధున రాశి రాశీ ఫలాలు:

ఈ మాసంలో చక్కటి ధన సంపాదన పొందుదురు.గృహ వాతావరణం లో చికాకులు తొలగును. వివాహ ప్రయత్నాలు ఫలిస్తాయి. దూరప్రాంతాల నుండి ఒక కీలక సమాచారం లభిస్తుంది. 10వ తేదీ తదుపరి నిరుద్యోగుల ఉద్యోగ ప్రయత్నాలు ఫలించును. ఉద్యోగ జీవనంలో పని భారం తగ్గుతుంది. ప్రమోషన్లకు అవకాశం ఉన్నది. మాసాంతంలో వృధా వ్యయం ఎదురగు సూచన ఉన్నది. ప్రభుత్వ సంబంధ వ్యవహారములలో విజయం లభించును. ఈ నెలలో 3, 6, 16, 23 , 25, తేదీలు అనుకూలమైనవి కావు.

 

జూలై 2021 మిధున రాశి రాశీ ఫలాలు:

ఈ మాస  ప్రారంభంలో మంచి అనుకూలత, ఆ తదుపరి కుటుంబంలో చికాకులు, మానసిక ఆందోళన ఏర్పడును. మొదటి వారంలో ఆశించిన ధనప్రాప్తి లభిస్తుంది. ఆశించిన విధంగా వాహన సౌఖ్యం పొందుదురు. కుటుంబ వ్యవహారాలలో మీకు అనుకూలంగా మార్పులు ఏర్పడతాయి. దూరమైన మిత్రులు తిరిగి దగ్గర అవుతారు. సంతాన సంబంధ శుభ వార్తలు పొందుతారు. బంధు లేదా స్నేహ వర్గ రాక పోకలు ఆనంద పరచును. విదేశీ నివాస ప్రయత్నములు చేయువారికి అనుకూల ఫలితాలు. ద్వితీయ వారం చివరి వరకూ పెద్దగా ఇబ్బందులు ఏర్పడవు. 16 వ తేదీ నుండి కుటుంబంలోని పెద్దవయ్యస్సు వారికి అనారోగ్య సమస్యలు. మాసాంతంలో వృత్తిలో ప్రతికూల ఫలితాలు. ఈ మాసంలో 19, 20, 21  తేదీలు అనుకూలమైనవి కావు.

 

ఆగస్టు 2021 మిధున రాశి రాశీ ఫలాలు:

ఈ మాసంలో ధనసంబంధమైన చికాకులు తొలగును. నూతన వ్యక్తుల పరిచయాలు ఏర్పడును. ఉద్యోగ ప్రయత్నాలలో కార్య విజయం లభిస్తుంది. ధనాదాయం పెరుగును. నూతన కాంట్రాక్టులు లభిస్తాయి. మాతృ వర్గీయులు వైరాగ్య భావన వలన బాధించబడతారు. ద్వితియ వారంలో సామాన్య ఫలితాలు లభిస్తాయి. తృతీయ వారంలో మానసిక ఒత్తిడి తగ్గును. సుఖ సంతోషములు నెలకొనును. సువర్ణ సంబంధ పెట్టుబడులు లాభములు ఏర్పడును. స్త్రీలకు వారసత్వ సంబంధ లాభములు లభించును. భాగస్వామ్య వ్యాపారాలు లాభించును. ఈ మాసంలో 10వ తేదీ  నుండి 15 వ తేదీ మధ్య కాలం వివాహ ప్రయత్నములుకు శుభం.

 

సెప్టెంబర్ 2021 మిధున రాశి రాశీ ఫలాలు:

ఈ మాసంలో సోదర వర్గంతో వివాదముల మూలంగా ఆర్ధిక నష్టములు ఏర్పడు సూచన కలదు. అనవసర ప్రయాణాలు చేయుదురు. ఉద్యోగ ప్రయత్నాలు కొంత నిరాశ కలుగచేయును. నివసిస్తున్న గృహంలో మార్పులు చేయుటకు ఈ మాసం అనుకూలమైనది కాదు. ప్రతీ వ్యవహారం నిదానంగా పూర్తిఅగును. మీరు మంచి చెప్పినా ఎదుటి వారు లెక్క చేయని పరిస్తితులు ఎదురగును. చివరి వారంలో వాహన ప్రమాదం ఎదుర్కోను సూచన లేదా ఆరోగ్య రుగ్మతలు బాధించును. 24వ తేదీ తదుపరి చేయు ప్రయనములందు జాగ్రత్త అవసరం. ఈ నెలలో 2, 7, 15, 18, 21, 24 తేదీలు అనుకూలమైనవి కావు.  ఈ మాసంలో ధనాదాయం సామాన్యం.

 

 

అక్టోబర్ 2021 మిధున రాశి రాశీ ఫలాలు:

ఈ మాసంలో ధనాదాయం సామాన్యం. గతకాలంలో తెలియక చేసిన తప్పులు అవమాన భారం ఏర్పరచును. మాతృ వర్గం వారికి అనారోగ్య సూచన. ప్రధమ వారంలో షేర్ల విక్రయాల వలన ఆకస్మిక ఆర్ధిక లాభములు ఏర్పడు సూచన. భాతృ వర్గం వారితో నెలకొనిన వివాదములు తొలగును. ద్వితియ వారం సామాన్య ఫలితాలు ఏర్పరచును. తృతియ వారం విద్యార్దులకు చాలా అనుకూలంగా ఉండును. పరదేశ విద్య కోసం చెసే ప్రయత్నాలు లాభించను. బందువుల రాకపోకలు ఉండగలవు. చివరి వారంలో వృత్తి జీవనంలోని వారికి పేరు ప్రఖ్యాతలు పెరుగును. రాజకీయ సన్మానం లభించును. నూతన వ్యాపార ప్రయత్నాలు స్థిరచిత్తంతో ప్రయత్నించవలెను. ఆరంభంలో కొన్ని ఇబ్బందులు ఎదురైనా అధిగమించగలుగుతారు.

 

నవంబర్ 2021 మిధున రాశి రాశీ ఫలాలు:

ఈ మాసంలో గృహంలో శుభ కార్యక్రమాలు , సంతోష కార్యములు నిర్వహిస్తారు. చక్కటి మానసిక ప్రశాంతత లభించును. నూతన పరిచయాలు దీర్హకాలిక బంధాలకు దారితీయును. ధనాదాయం లో పెరుగుదల ఏర్పడును. వివాహాది విషయములకై తీవ్రంగా చర్చలు జరుపవలసి వచ్చును. చివరి వారంలో వృత్తి జీవనంలోని వారికి కొద్దిపాటి చికాకులు ఎదురగును. ఉన్నత అధికారుల వలన ప్రతిభంధాకలు ఏర్పడును.రోజువారీ వ్యయం కూడా పెరుగును. భూమి లేదా స్థిరాస్తి వ్యవహారములో వివాదములు ఏర్పడు సూచన.

 

డిసెంబర్ 2021 మిధున రాశి రాశీ ఫలాలు:

ఈ మాసంలో సంతాన సంబంధ లాభములు మరియు జీవన అభివృద్ధి లో లాభములు పొందుతారు.ధనాదాయం పెరుగును. 12వ తేదీ తదుపరి ఉద్యోగ ఉన్నతి లభించు సూచన. అందరి మన్ననలూ పొందుదురు. నూతన గృహ ప్రయత్నములు ఫలించును. మానసిక ఆలోచనలు అధికమగును. ప్రేమకలాపముల వలన ఆర్ధిక వ్యయం ఎదుర్కొందురు. ఈ మాసంలో ప్రారంభించు నూతన వ్యాపారములు విజయవంతం అగును. భాగస్వాములను సమకుర్చుకోగలరు. ప్రాజెక్టులను సకాలంలో పూర్తి చేయుదురు.కళా రంగంలోని వారికి నూతన అవకాశములు లభించును. 

 

 

 

జనవరి 2022 మిధున రాశి రాశీ ఫలాలు:

ఈ మాసంలో  వ్యాపార రంగంలోని వారికి అఖండ విజయం లభించును. నూతన వ్యాపారముల ద్వారా చక్కటి ధన ఆర్జన చేయుదురు. ఈ మాసంలో ధన సంపాదన పెరుగును. ఉద్యోగ జీవనంలోని వారికి మిశ్రమ ఫలితాలు. పై అధికారులతో మాట పడుదురు. శ్రమకు తగిన ఫలితం వుండదు. పోటీదారుల వలన ఇబ్బందులు ఎదుర్కొందురు. ప్రధమ, ద్వితియ మరియు తృతీయ వారములు సామాన్య ఫలితాలు ఏర్పరచును. మాసాంతంలో ఒక ముఖ్య వ్యవహారం అటంకములను పొందును. జీవిత భాగస్వామితో మాట కలయికలో ఇబ్బందులు ఎదురగును.  ఆచారవంతమైన జీవితానికి ఆలోచనలు ప్రారంభించడానికి ఈ మాసం అనుకూల కాలం.

 

ఫిబ్రవరి 2022 మిధున రాశి రాశీ ఫలాలు:

ఈ మాసం కోర్టు వ్యవహరాలకు, అవివాహితుల వివాహ ప్రయత్నములకు అనుకూలంగా ఉండును. ధనాదాయం ఆశించిన విధంగా బాగుంటుంది. నూతన వ్యక్తుల చేరిక వలన కుటుంబ బలం పెరుగుతుంది. ఉద్యోగ పరంగా  స్థానచలన ప్రయత్నాలకు ఈ మాసం అనుకూలమైన కాలం. గృహ వాతావరణంలో  అనుకూలంగా ఉంటుంది. వ్యాపారములు విస్తరించే అవకాశం లభించును. భాగస్వామ్య వ్యాపార  ప్రయత్నములు లాభించును. ముఖ్యంగా వ్యాపార వర్గం వారికి 25, 26, 27 తేదీలు మంచి ఫలితాలను కలిగించును.

 

మార్చి 2022 మిధున రాశి రాశీ ఫలాలు:

ఈ మాసంలో ధనాదాయం బాగానే ఉండును. సంఘం లో చక్కటి పేరుప్రఖ్యాతలు లభిస్తాయి. తోటి ఉగ్యోగుల మధ్య  గౌరవం పొందుతారు. నూతన ఆదాయ మార్గములు లభిస్తాయి. శతృ జయం లభిస్తుంది. శత్రువులు కూడా మీకు విధేయులుగా మారతారు. అన్ని విషయములందు విజయములు పొందుతారు. సంతాన సంబంధ శుభ వార్తలు వినుదురు. మీ అంచనాలు నిజమగును. ఈ మాసంలో చేయు ప్రయనములందు చిన్నపాటి  ఆరోగ్య సమస్యలు ఎదురగును. కుటుంబంలో ఆర్భాటాలకు పోకుండా ఉండుట మంచిది. 

Sree Plava Nama Samvatsara Vrushabha Rasi / Taurus Sign Telugu Rasi Phalalu 2021-2022

 

2021 - 2022 శ్రీ ప్లవ నామ సంవత్సర వృషభరాశి రాశీ ఫలాలు

మీ జన్మ నక్షత్రం కృత్తిక 2,3,4 పాదములు లేదా రోహిణి 1,2,3,4 పాదములు లేదా మృగశిర 1,2 పాదములలో ఒకటి ఐయిన మీది వృషభరాశి.

2021 - 2022 శ్రీ ప్లవ నామ సంవత్సరంలో వృషభ రాశి వార్కి ఆదాయం - 02 వ్యయం - 08 రాజపూజ్యం - 07 అవమానం - 03.

పూర్వ పద్దతిలో వృషభ రాశి వారికి వచ్చిన శేష సంఖ్య "1". ఇది శ్రీ ప్లవ నామ సంవత్సరంలో వృషభ రాశి వారికి తలపెట్టిన కార్యములలో విజయాన్ని సూచించుచున్నది.

వృషభరాశి వారికి శ్రీ ప్లవ నామ సంవత్సరం అనగా 13-ఏప్రిల్-2021 నుండి 01-ఏప్రిల్-2022 వరకు ఉన్న తెలుగు కాల మాన సంవత్సరంలో గురు గ్రహం వలన 19-నవంబర్-2021 వరకు తీవ్ర వ్యతిరేక ఫలితాలు ఏర్పరచును. ముఖ్యంగా శారీరక సమస్యలు తరచుగా బాధించును. జీవితంలో అనుభవిస్తున్న యోగం చెడిపోవును. చేజేతులారా తప్పులు చేసి నష్టాలు ఏర్పరచు కొందురు. ఏ ప్రయత్నం కూడా మానసికంగా సంతృప్తిని కలుగ చేయదు. నూతన భారీ పెట్టుబడులు 19-నవంబర్-2021 వరకు పెట్టకుండా ఉండటం మంచిది. 20-నవంబర్-2021 నుంచి వృషభ రాశి వారికి గురు గ్రహం యోగించును. ముఖ్యంగా వ్రుత్తి విద్యా కోర్సులు చదివిన వారికి అతి చక్కటి ఉద్యోగ అవకాశములు, స్వయం ఉపాధి చేయు వారికి విశేష ధనార్జన ఏర్పరచును. విద్యార్థులకు విశేష లాభ పూరిత సమయం. ఎంతో కాలంగా ఎదురు చూస్తున్న తీర్ధ యాత్రలు 20-నవంబర్-2021 తదుపరి పూర్తి చేయగలుగుతారు. ఆచార వంతమైన జీవితం ప్రారంభించడానికి ఈ కాలం అత్యంత అనుకూల కాలం. విడిచి పెట్టాలని అనుకున్న దురలవాట్లకు  దూరం కాగలుగుతారు.

 

వృషభ రాశి వారికి శ్రీ ప్లవ నామ సంవత్సరంలో శని గ్రహం గడిచిన శార్వరి నామ సంవత్సరం వలెనే  మంచి ఫలితాలను కలుగచేయును. నూతన వాహన కోరిక నెరవేరును. వారసత్వ సంపద లభించును. పనిచేస్తున్న రంగములలో మిక్కిలి పేరు ప్రతిష్టలు పొందగలరు. వ్యక్తిగత జాతకంలో శని బలంగా ఉన్న ఉద్యోగులకు పదవిలో  ఉన్నతి లభించును. ఆర్ధిక లక్ష్యాలను చేరుకొంటారు. వ్యక్తిగత జాతకంలో శని స్వక్షేత్రం లేదా ఉచ్చ స్థితి లేదా మూల త్రికోణము లో ఉన్న వారు సులువుగా విశేషమైన ధనార్జన చేయగలరు. ఇటువంటి జాతకులు తమ వంశానికి పేరు ప్రఖ్యాతలు వచ్చు సత్కార్యములు చేయుదురు. శ్రీ ప్లవ నామ సంవత్సరంలో  వృషభ రాశి వారికి ఏలినాటి శని దశ లేదు.

 

వృషభ రాశి వారికి శ్రీ ప్లవ నామ సంవత్సరంలో రాహువు - కేతువు ల వలన మిశ్రమ ఫలితాలు ఏర్పడును. సమాజంలో పేరు ప్రఖ్యాతలు ఏర్పరచును. కోరుకున్న విధంగా స్థాన చలనం ఏర్పరచును. పితృ వర్గీయులతో ఎదుర్కొంటున్న సమస్యలు తొలగును. అయితే శారీరక అనారోగ్యం, వైవాహిక జీవనంలో తీవ్ర గొడవలు, వివాహ ప్రయత్నాలు చేయువారికి ఆటంకాలు ఏర్పరచును. 

 

ఏప్రిల్ 2021 వృషభ రాశి రాశీ ఫలాలు:

ఈ మాసంలో మిశ్రమ ఫలితాలు. లక్ష్య సాధనకు ఓర్పు ప్రధానం అని తెలుసుకుంటారు.సొంత మనుష్యులతో విరోధములు చికాకులు ఏర్పరచును. సహాయం ఆశించి పొందక నిరాశ చెందుతారు. 17 వ తేదీ వరకు గృహంలో అనవసర ఖర్చులు కొనసాగును. వ్యవహార చిక్కులు లేదా  ప్రయత్నాలలో ఆటంకములతో విజయం పొందుతారు.. ప్రయాసతో కూడిన ప్రయాణములు చేయవలసి వచ్చును. జూదం వలన నష్టం. ఎదుర్కొందురు. 18 వ తేదీ తదుపరి కొంత అనుకూలత లభించును. కుటుంబ సభ్యుల మధ్య బంధాలపై దృష్టి పెట్టవలెను. నూతన ఆదాయ మార్గములు లభించును. మాసాంతంలో వాహన సౌఖ్యం అనుభవిస్తారు

 

మే 2021 వృషభ  రాశి రాశీ ఫలాలు:

ఈ మాసంలో కూడా అంతగా అనుకూల ఫలితాలు ఉండవు. వాదనలకు ఈ మాసం అనుకూలమైనది కాదు. అయితే ధనాదాయం సామాన్యం గా ఉండును. వ్రుత్తి జీవనంలో వేధింపులు కొనసాగుతాయి. వ్యవహార నష్టములు. నూతన వ్యాపారములు ప్రారంభించుటకు , ఉద్యోగ జీవనంలో మార్పులకు ఈ మాసం మంచిది కాదు. జీర్ణ వ్యవస్థకు    సంబంధించిన సమస్యలు ఎదరగుట వలన ధన వ్యయం ఎదుర్కొందురు. పితృ వర్గీయుల వలన సహాయం పొందుతారు.  ఈ మాసంలో 11,12,15 మరియు 16 తేదీలు అనుకూలమైనవి కావు.

 

జూన్ 2021 వృషభ  రాశి రాశీ ఫలాలు:

ఈ మాసంలో ఆర్ధిక సంబంధ విషయాలలో అనుకూలత ఏర్పడును. ఆదాయం ఆశించిన విధంగా లభిస్తుంది. రుణ ఒత్తిడులు తగ్గుతాయి. నూతన పరిచయాలు జీవన ఉన్నతికి దారితీస్తాయి.లౌఖ్యంతో పనులు పూర్తి చేయగలుగుతారు. శత్రుత్వములు తొలగును. మానసిక ప్రశాంతత,  వృత్తిలో ప్రోత్సాహకర వాతావరణం లభిస్తుంది. ద్వితియ వారం మరియు  తృతీయ వారములలో ఆశించిన చక్కటి పురోగతి లభిస్తుంది. వివాహ సంబంధ ప్రయత్నాలు , సంతాన ప్రయత్నాలు అనుకూల ఫలితాలు ఇచ్చును.  నాల్గవ వారం నుండి చేపట్టిన కార్యములందు స్తబ్ధత.తొలగి  ప్రయత్న పూర్వక విజయాలు లభిస్తాయి. ఒక  వేడుకకు సంబంధించిన  సన్నాహాలు చేస్తారు

 

జూలై 2021 వృషభ  రాశి రాశీ ఫలాలు:

ఈ మాసం యోగదాయకంగా ఉండే కాలం. వృత్తి వ్యాపార ఉద్యోగాల్లో అంచనాలకు అనుకూలంగా ఫలితాలు లభిస్తాయి. వ్యతిరేకులు సన్నిహితులుగా మారుతారు. మిత్రుల వలన లాభం పొందుతారు. నూతన వస్తువులు కొనుగోలు చేస్తారు.  ప్రధమ ద్వితియ వారాలలో కుటుంబ సభ్యుల సహకారంతో ఒక సదావకాశం పొందుతారు. తల్లి గారి ఆరోగ్య సమస్యల వలన మాత్రం ఆందోళన ఏర్పడుతుంది. స్పెక్యులేషన్, స్టాక్ మార్కెట్ రంగంలో వ్యాపార పెట్టుబడులు చేయు వారు లాభం పొందుతారు. తృతీయ వారం నుండి ధనాదాయం పెరుగును. ఈ మాసంలో 15, 24, 30 మరియు 31 తేదీలు అంత అనుకూలమైనవి కావు.

 

ఆగస్టు 2021 వృషభ  రాశి రాశీ ఫలాలు:

ఈ మాసంలో తలపెట్టిన నూతన కార్యములు విజయం పొందును. వ్యక్త్రిగత జీవితానికి సబందించిన సముచిత నిర్ణయాలు తీసుకో గలుగుతారు. సంకల్ప సిద్ధి లభిస్తుంది. ఈ  మాసం సంతాన ప్రయత్నములకు మంచి అనుకూలమైన కాలం. ధనాదాయం బాగుండును. పొదుపు పధకాలలో పెట్టుబడులు పెట్టుటకు ఈ మాసం అనుకూలమైన కాలం. ముఖ్యమైన పత్రాలకు సంబందించిన విషయాలలో జాగ్రత్త ఉండాలి. 19, 20 తేదీలలో వ్రుత్తి జీవనంలో ఉన్నతి లభించును. చివరి వారంలో ఉద్యోగ ప్రయత్నములకు, ఉద్యోగ ఉన్నతి కొరకు ప్రయత్నములు చేయుటకు  అనుకూల కాలం. ప్రశంసలు లభించును, ధనాదాయంలో వృద్ది.

 

సెప్టెంబర్ 2021 వృషభ  రాశి రాశీ ఫలాలు:

ఈ మాసంలో వారసత్వ సంబంధమైన లేదా కళత్ర మూలక ధన సంపదల వలన ఆర్ధిక సౌఖ్యం పొందుతారు. వ్యాపారములు బాగా  నడుస్తాయి. లాభములు ఆశించిన స్థాయిలో ఉండును.వివాహ ప్రయత్నములలో ఆటంకములు ఎదురగును. సోదర వర్గీయులతో మాట తగాదాలు ఏర్పడు అవకాశం ఉన్నది. మీ శ్రమ ఫలించి కుటుంబ సభ్యుల ఆలోచన విధానంలో మార్పు వస్తుంది. ఆద్యాత్మిక భావాలూ పెంపొందుతాయి. తృతీయ వారంలో జీవిత భాగస్వామికి సంబందించిన అనారోగ్య సమస్యలు ఆందోళన ఏర్పడును. చివరి వారం గత కాలంలో నిలిపి వేసిన పనులు తిరిగి ప్రారంభించుటకు అనుకూల కాలం.

 

అక్టోబర్ 2021 వృషభ  రాశి రాశీ ఫలాలు:

ఈ మాసం భవిష్యత్ కు సంబందించిన ప్రణాళికలు రుపొందిన్చుకోనుటకు మంచి కాలం. వృత్తి వ్యాపార ఉద్యోగాదులలో ఆశాజనకమైన కాలం పొందుతారు.పై అధికారుల సహకారంతో స్థాన చలన లేదా ప్రమోషన్ సంబంధ విషయాల్లో విజయం పొందుతారు. విమర్శలకు ధీటుగా బదులిస్తారు. 13 వ తేదీ తదుపరి చేపట్టిన పనులు అసంపూర్తిగా  ముగించాల్సి వస్తుంది.  మీ భాద్యతలు ఇతరులకు అప్పచెప్పడం వలన ఇబ్బందులు ఎదురగును. ఆశించిన విధంగా  విశ్రాంతి లభించదు. వైవాహిక జీవన సుఖరాహిత్యత ఎదురగును. చివరి వారంలో ఒక  ప్రమాదము నుండి త్రుటిలో తప్పించుకొనే సూచనలు ఉన్నవి.

 

నవంబర్ 2021 వృషభ  రాశి రాశీ ఫలాలు:

ఈ మాసంలో ధనాదాయం కొద్దిగా తగ్గును. సంతాన ప్రయత్నములకు కూడా ఈ మాసం అంత అనుకూలమైన కాలం కాదు. ప్రతికూలతలు ఎదురగును. కుటుంబ వ్యయం అదుపు తప్పుతుంది. తలపెట్టిన పనులలో దైవ ఆశీస్శులు అవసరం. అనుభవజ్ఞుల సలహాలు కోరుట మంచిది. ప్రభుత్వ సంబంధ పెద్దల వలన సమస్యలు ఎదుర్కొందురు. వృత్తి వ్యాపారములలో సామాన్య ఫలితాలు పొందుతారు. నూతన ఆలోచనలు అంత త్వరగా కార్య రూపం దాల్చవు. అవకాశములు చేజారినా మంచిదే అనే భావన పెమ్పొందిన్చుకోనుట అవసరం. సంతాన విద్యాభ్యాసం మాత్రం సంతృప్తిని కలుగ చేస్తుంది. ఈ మాసంలో 5,9,10,26 తేదీలు అనుకూలమైనవి కావు. 

 

డిసెంబర్ 2021 వృషభ  రాశి రాశీ ఫలాలు:

ఈ మాసంలో ధనాదాయం కన్నా వ్యయం అధికంగా ఎదురగుటకు , గౌరవ హాని సంఘటనలకు, ఆకస్మిక నష్టములు పొందుటకు అవకాశములు అధికంగా ఉన్నవి. నూతన కార్యములు ప్రారంభించుట మంచిది కాదు. ప్రధమ వారంలో  రోహిణి నక్షత్ర జాతకులకు కొద్దిపాటి ఆరోగ్య ఆపదలు ఏర్పడు అవకాశం ఉన్నది.  ఆరోగ్య విషయాల్లో మొండితనం మంచిది కాదు. ద్వితియ వారంలో ధనానికి ఇబ్బంది లేకున్నా మానసిక సంతృప్తి ఉండదు. మిత్రులే శత్రువులగును. బందువుల మాటతీరు పట్టించుకోనుట మంచిది కాదు. తృతీయ మరియు చివరి వారములు వివాహ ప్రయత్నములకు అనుకూలం. గృహంలో మార్పులు చేపడతారు. మాసాంతంలో వాహన ప్రయాణాలలో జాగ్రత్త అవసరం.

 

జనవరి 2022 వృషభ  రాశి రాశీ ఫలాలు:

ఈ మాసం మంచి ఫలితాలను కలిగించును. తలపెట్టిన కార్యములందు జయం వరించును. తలచిన పనులు సకాలంలో పూర్తి చేయగలరు. ధనాదాయం ఆశించిన విధంగా బాగుండును. ప్రముఖులతో పరిచయాలు ఏర్పడుతాయి. సమాజహితమైన పనులు తలపెడతారు. కుటుంబ సభ్యుల మధ్య బలవంతంగా కాలం గడిపెదురు. అవకాశములు తక్షణం వినియోగించుకోనుట అవసరం. నిర్దిష్టమైన ఇష్ట అయిష్టాలను ప్రదర్శించుట వలన మాట పడతారు. మాసాంతంలో ఉద్యోగులకు  పై అధికారుల సహకారం వలన ఆశించిన వృద్ధి లభించును.వ్యాపారములలో చక్కటి ధనప్రాప్తి లభించును.  స్త్రీ సంతానం వలన సంతాన సౌఖ్యం పొందేదురు

 

ఫిబ్రవరి 2022 వృషభ  రాశి రాశీ ఫలాలు:

ఈ మాసంలో నూతన బాధ్యతలు చేపడతారు. గౌరవ ప్రధమైన జీవనం అనుభవిస్తారు. వివాదాలు పరిష్కారం అవుతాయి. ధనాదాయం సంతృప్తికరంగా ఉండును. శరీర ఆరోగ్యం కూడా సహకరించును. ద్వితీయ వారం వరకూ వృత్తి వ్యాపార విషయాల్లో  మంచి లాభములు లభిస్తాయి. తృతీయ వారం ప్రారంభం నుండి  పట్టుదలకు పోవడం వలన చక్కటి అవకాశములు కొల్పోవుదురు. ఉద్యోగ జీవనంలో ఆకస్మిక ప్రతికూల పరిస్థితులు ఎదురగును. నూతనంగా ఏర్పడిన కుటుంబ బాధ్యతల వలన మానసిక ఆలోచనలు అధికం అగును. 

 

మార్చి 2022 వృషభ రాశి రాశీ ఫలాలు:

ఈ మాసంలో అంతగా అనుకూల ఫలితాలు ఏర్పడవు. ఉద్యోగ జీవన పరంగా ఆందోళన కలిగించు వాతావరణం ఏర్పడును. ఆకస్మిక వివాదాలు భాదించును మరియు ధనాదాయం తగ్గును. బంధు వర్గం వలన వ్యక్తిగత జీవనంలో ఒత్తిడులు ఎదురగును. ఆశించిన విధంగా సహకారం లభించదు. చివరి వారంలో చికాకులు అధికం అగును. గృహ నిర్మాణ విషయాలలో వ్యయం అధికం అగును. ఈ మాసంలో 3,16,17,25 తేదీలు అనుకూలమైనవి కావు.

Sree Plava Nama Samvatsara Mesha Rasi / Aries Sign Telugu Rasi Phalalu 2021-2022

 

2021-2022 శ్రీ ప్లవ నామ సంవత్సర మేష రాశి రాశీ ఫలాలు

అశ్విని నక్షత్రం 1,2,3,4 పాదములు లేదా భరణి నక్షత్రం 1,2,3,4 పాదములు లేదా కృత్తిక నక్షత్రం 1వ పాదములో జన్మించినవారు మేషరాశికి చెందును.

2020 - 2021 శ్రీ ప్లవ నామ సంవత్సరంలో మేషరాశి వారికి ఆదాయం - 08, వ్యయం - 14 , రాజపూజ్యం - 04 అవమానం - 03.

పూర్వ పద్దతిలో మేషరాశి వారికి వచ్చిన శేష సంఖ్య "5" .ఇది శ్రీ ప్లవ నామ సంవత్సరంలో  మీ ప్రమేయం లేకుండానే అపవాదులు మరియు అవమానములను పొందడాన్ని సూచించుచున్నది.

మేష రాశి వారికి శ్రీ ప్లవ నామ సంవత్సరం అనగా 13-ఏప్రిల్-2021 నుండి 01-ఏప్రిల్-2022 వరకు ఉన్న తెలుగు కాల మాన సంవత్సరంలో గురు గ్రహం 19-నవంబర్-2021 వరకు వ్యతిరేక ఫలితాలు ఏర్పరచును. ముఖ్యంగా పితృ వర్గం లోని పెద్ద వయస్సు వారికి తీవ్ర ఆరోగ్య సమస్యలు మరియు ప్రాణ  గండములు ఏర్పరచును. వారసత్వ సంబంధ సంపద విషయంలో తగాదాలు ఎదుర్కొందురు. కుటుంబంలో తరచుగా శుభ కార్య సంబంధ వ్యయం అధికంగా ఏర్పరచును. వ్యక్తిగత జాతకంలో గురు గ్రహం నీచ క్షేత్రం లో ఉన్న వారు ఒక పర్యాయం 16 రోజుల గురు గ్రహ శాంతి జపము జరిపించు కొనుట మంచిది.. 20-నవంబర్-2021 నుంచి మేష రాశి వారికి గురు గ్రహం అనుకూల ఫలితాలు ప్రసాదించుట ప్రారంభం అగును. మిక్కిలి న్యాయమైన ధన సంపాదన ఏర్పరచును. జీవన విధానంలో నూతన యోగములను ప్రసాదించును.

 

మేష రాశి వారికి శ్రీ ప్లవ నామ సంవత్సరంలో శని వలన సంవత్సరం అంతా అనుకూల ఫలితాలు ఏర్పడును. శని మేష రాశి వారికి ఆశించిన విధంగా ధన సంపాదన లభింప చేయును. నల్లని వస్తువులు, నల్లని ధాన్యముల, లోహముల వ్యాపారం చేసే వారికి మంచి లాభములు లభింపచేయును. నిరుద్యోగులకు ఉద్యోగ ప్రయత్నాలు విజయవంతం అగును.  నూతన దంపతుల  సంతాన ప్రయత్నాలు ఫలించి సంతాన సౌఖ్యం  కలుగచేయును. శ్రీ ప్లవ నామ సంవత్సరంలో మేష రాశి వారికి ఏలినాటి శని దశ లేదు.

 

మేష రాశి వారికి శ్రీ ప్లవ నామ సంవత్సరంలో కూడా రాహు గ్రహం సంవత్సరం అంతా మంచి ఫలితాలు ఏర్పరచును. గడిచిన శ్రీ శార్వరి నామ సంవత్సరం వలెనే ఈ ప్లవ నామ సంవత్సరంలో కూడా పేర్కొనదగిన తీవ్ర వ్యతిరేక ఫలితాలు ఏమియూ రాహు గ్రహం వలన మేష రాశి వారికి  లేవు.

 

మేష రాశి వారికి శ్రీ ప్లవ నామ సంవత్సరంలో  కూడా కేతు గ్రహం వలన గడిచిన శార్వరి నామ సంవత్సరం వలననే అనేక సమస్యలు ఏర్పడును. శారీరక సౌఖ్యం తక్కువ అగును. ప్రతి కార్యానికి తీవ్రంగా శ్రమించ వలెను. వ్యక్తిగత జాతకంలో పితృ స్థానంలో కేతు గ్రహ దోషములు కలిగిన వారికి పితృ ఖర్మలు చేయవలసిన పరిస్థితులు ఏర్పడు సూచన. ఆధ్యాత్మిక జీవన సాధనలో ఆశించిన పురోగతి లభించదు. నూతనంగా దైవ ఉపాసన చేయదలచిన వారికి అనేక విఘ్నములు ఏర్పడును.

ఏప్రిల్ 2021 మేష రాశి రాశీ ఫలాలు:

ఈ మాసంలో శరీర ఆరోగ్యం బాగుండును. మనసు ఉల్లాసంగా ఉండును. విందు వినోదాలలో పాల్గోనేదురు. వాహన  ప్రయాణాలలో జాగ్రత్త అవసరం. విద్యార్ధులకు పట్టుదల పెరుగుతుంది. న్యాయస్థాన సంబంధ విషయాలు చికాకులు ఏర్పడును.  ద్వితీయ వారంలో సంతాన సంబంధ అనారోగ్యం అశాంతిని ఏర్పరచును. ఇష్టమైన వారి గురించి అశుభ వార్త వినుటకు అవకాశం ఉన్నది.. 18 వ తేదీ తదుపరి ఉద్యోగ ప్రయత్నాలలో కార్య సిద్ధి లభించును. నిరుద్యోగుల  ప్రయత్న విజయములు చేకురును. ముఖ్యమైన కార్యక్రమాలు నిదానంగా ముందుకు సాగును. ధార్మిక కార్యక్రమాలలో పాల్గొంటారు. నెల మొత్తం ధనాదాయం సామాన్యం.

మే 2021 మేష రాశి రాశీ ఫలాలు:

ఈ నెలలో ప్రధమ , ద్వితీయ వారాలలో వృత్తి , ఉద్యోగ , వ్యాపార వ్యవహారములో ఆశించిన  ఫలితాలు పొందుతారు. ప్రత్యర్ధుల మీద పై చేయి సాధిస్తారు. స్థిరాస్థి సంబంధ అగ్రిమెంట్లకు అనుకూలం. అవివాహితులకు వివాహ సంబంధ సంతోషము లభించును. వాహన సౌఖ్యం పొందుతారు. తృతీయ వారం నుండి కార్య విఘ్నతలు ఎదురగును. కార్యక్రమాలలో శ్రమించవలెను. ప్రైవేట్ ఉద్యోగస్తులకు చికాకులు. కృత్తిక నక్షత్ర స్త్రీలకు అనారోగ్యం. స్టాక్ మార్కెట్ వ్యవహారములో అదృష్టం కలసిరాదు.  20, 21, 29 తేదీలలో సమస్యలు. కుటుంబ సంబంధ వ్యవహార చిక్కులు.

జూన్ 2021 మేష రాశి రాశీ ఫలాలు:

ఈ మాసంలో మంచి ఫలితాలు పొందుతారు. సొంత  గృహ సంబంధ సంతోషములు లభించును. వృధా ధన వ్యయం తగ్గించ గలుగుతారు. ఆభరణాలు కొనగలుగుతారు. పై అధికారులతో  సంభాషనలందు మాట జాగ్రత్త అవసరం. 17, 18 తేదీలలో వ్యాపార రంగంలోని వారికి ప్రభుత్వ సంబంధ సహకారం లభించును. మానసిక ప్రశాంతత, మిత్రులతో కలయికలు, తలపెట్టిన పనులలో విజయం  చేకురుట ఏర్పడును. ఈ నెలలో 9, 11,12  తేదీలు ఉద్యోగ ప్రయత్నములకు మంచిది. ఆశించిన ఉద్యోగ ప్రాప్తి.

 

జూలై 2021 మేష రాశి రాశీ ఫలాలు:

ఈ మాసంలో ధనాదాయం పెరుగును. చేయుచున్న వృత్తి వ్యాపారాలలో , ఉద్యోగ ప్రయత్నాలలో జయము ప్రాప్తించును. విధి నిర్వహణలో మార్పులకు సిద్ధంగా ఉండాలి.  కుటుంబంలో ఆకస్మిక ధన ప్రాప్తి లభించును. వ్యాపార విస్తరణ పనులు చేపడతారు. భాత్రు వర్గం వారికి సహాయం చేయగలుగుతారు. మీ శ్రమ కు తగిన గుర్తింపు పొందగలుగుతారు. భూ వివాదాలు అనుకూలంగా పరిష్కారం అవుతాయి. ఆర్ధిక పరమైన వ్యూహాలు రచించగాలుగుతారు. ఈ మాసంలో 13, 21 తేదీలు అనుకూలమైనవి కావు. ఈ మాసంలో నూతన వాహన కొనుగోలు చేయకుండా ఉండుట మంచిది. 

ఆగస్టు 2021 మేష రాశి రాశీ ఫలాలు:

ఈ మాసంలో మిశ్రమ ఫలితాలు పొందుతారు.  పనిచేయు స్థలంలో అధికారుల వలన లేదా కుటుంబంలో  పెద్దల వలన మానసికంగా ఆందోళన కలుగు సూచన. వ్రుత్తి వ్యాపారాలలో ఒడిదుడుకులు ఎదురైనా కూడా అధిగమించ కలుగుతారు. న్యాయవాద రంగంలోని వారికి కొన్ని ఉన్నత అవకాశములు అప్రయత్నపుర్వకంగా లభిస్తాయి. బంధు వర్గం వలన అవమానాలు లేదా చికాకులు. ఆర్ధికంగా మోసానికి గురి అగుటకు అవకాశం ఉన్నది. వ్యాపార రంగంలోని వారికి ధనాదాయం సామాన్యం.18 నుండి 24 తేదీల మధ్య కాలంలో దూర ప్రయాణాలు వాయిదా వేయుట మంచిది. మాసాంతంలో కుటుంబ సభ్యులకు ఆరోగ్య సమస్యలు.

సెప్టెంబర్ 2021 మేష రాశి రాశీ ఫలాలు:

ఈ మాసంలో మిత్రుల  వియోగ వార్త వినవలసి వచ్చును. కొట్టిపాటి కష్టం మీద వ్యవహార విజయాలు లభించును. రావలసిన ధనం చివరి నిమిషంలో లభించి పనులు పూర్తి చేయగలుగుతారు. విదేశీ సంబంధ ఉద్యోగ ప్రయత్నాలు ఫలిస్తాయి. కుటుంబంలో నూతన భాద్యతలు తీసుకోవలసి వస్తుంది. పుత్ర సంతాన సంబంధ శుభ వార్త పొందుటకు సూచనలు ఉన్నవి. మేష రాశికి చెందిన  స్త్రీలకు  ధనం వలన సౌఖ్యం లభిస్తుంది.ఆర్ధికంగా బలపడుదురు. మిత్రుల వద్ద ఇతరులను విమర్శించకుండా ఉండుట మంచిది. చివరి వారంలో మానసిక ఒత్తిడి , అంచనాలు తలక్రిందులు అవుట వంటి ఇబ్బందులు ఎదుర్కొందురు. కొత్త ప్రాజెక్టులు చేపట్టుట  లేదా ఉద్యోగంలో మార్పులు చేయకుండా ఉండుట మంచిది.

అక్టోబర్ 2021 మేష రాశి రాశీ ఫలాలు:

ఈ మాసంలో గత కాలంలో పోగట్టుకున్న చక్కటి అవకాశములు తిరిగి పొందగలుగుతారు. స్త్రీలు అజాగ్రత్త వలన మాటపడు సంఘటనలు ఎదురగును.ప్రధమ మరియు ద్వితీయ వారాలలో వాహన ప్రమాదమునకు అవకాశం ఉన్నది. ముఖ్యంగా ద్వితీయ వారం అంత మంచిది కాదు. అననుకూలమైన ఫలితాలు, మిత్రులతో విభేదాలు. కార్యములలో  చిక్కులు ఎదురగును.  తృతీయ వారం నుండి గతంలో ఆగిపోయిన పనులు తిరిగి ప్రారంభమగును. వ్యాపారాలలో మీ వ్యూహాలు ఫలిస్తాయి. మాసాంతంలో జీవిత భాగస్వామితో అనుకూల పరిస్థితి ఏర్పడి సౌఖ్యం. చిరకాల కోరికలు తీర్చుకోగలుగుతారు. 5,8, 26, 27 తేదీలు వివాహ ప్రయత్నములకు మంచిది.

నవంబర్ 2021 మేష రాశి రాశీ ఫలాలు:

ఈ మాసంలో నిదానంగా అలోచించి నిర్ణయాలు తీసుకొనుట అవసరం. విజయ అవకాశములు స్వల్పం. పనిభారం పెరిగి సతమతమవుతారు. నిరాశ కలిగించే సంఘటనలు ఎదురగును. ధనాదాయం సామాన్యం.  కుటుంబ సభ్యుల నుండి  ప్రోత్సాహం ఆశించిన విధంగా ఉండదు. సొంత ఆరోగ్యం కూడా కొంత మందగిస్తుంది.  ఉద్యోగం ఆశిస్తున్న వారికి కష్టం మీద శుభవార్త. తృతీయ వారం సంతాన సంబంధ ప్రయత్నములకు అనుకూలం. 10, 14, 29 తేదీలు నూతన వ్యాపార వ్యవహారాలకు అనుకూలమైనవి కావు. రావలసిన ధనం ఆలస్యంగా లభిస్తుంది.ఇంటి నిర్మాణ పనులు ప్రారంభించడానికి అనుకూలమైన కాలం కాదు.

డిసెంబర్ 2021 మేష రాశి రాశీ ఫలాలు:

ఈ మాసం ప్రారంభంలో శుభ ఫలితాలు లభిస్తాయి. ఆటంకాలు అధిగమించగలరు. దీర్ఘకాలిక సమస్యలను సొంతంగా పరిష్కరించుకోగలుగుతారు. ఆలోచనలు కార్య రూపం దాల్చును. కుటుంబ వ్యవహారాలలో నూతనోత్సాహంతో ముందుకు సాగుతారు. ప్రముఖులతో పరిచయాలు లభించును.  దైవ సందర్శన భాగ్యం లభించును. కుటుంబంలోని  వ్యక్తుల వలన వ్యయం. ఉద్యోగ జీవనంలో ఆశించిన మార్పులు. 7,9 ,16 తేదీలు వ్యాపార రంగంలోని వారికి మంచిది. చివరి వారంలో మాత్రం దారి తప్పే ఆలోచనలతో మనశ్శాంతి లోపించును. అపార్ధాలు ఏర్పడును. నైపుణ్యానికి తగిన ప్రోత్సాహం లభించక నిరుత్సాహ పడతారు.

జనవరి 2022 మేష రాశి రాశీ ఫలాలు:

ఈ మాసంలో కొద్దిపాటి చికాకులు, గృహ లేదా భూ సంబంధమైన నష్టం పొందుటకు అవకాశం ఉన్నది. ఆర్జించిన ధనం నిలువదు. ఉద్యోగ జీవనంలో అఖస్మిక ఉద్యోగ నష్టములు. పనిభారం కూడా పెరుగుతుంది. కుటుంబ పరమైన ఖర్చులు అదుపు తప్పుతాయి.   ద్వితియ వారంలో కుటుంబ సభ్యులలో ఒకరికి శస్త్ర చికిత్స లేదా అనారోగ్యం వలన ఆందోళన ఎదురగును. తదనుకూల ధన వ్యయం. శ్రమ అధికమగును.మిత్రుల సహకారం కొంత వరకు లభించుట వలన ఉపశమనం లభించును. ముఖ్యంగా 27, 28, 29 తేదీలు అనుకూలం కాదు.

ఫిబ్రవరి 2022 మేష రాశి రాశీ ఫలాలు:

ఈ మాసంలో సమస్యలు కొంత వరకు తగ్గును. నూతన గృహ సంబంధమైన లేదా గృహ మార్పిడి ప్రయత్నాలకు ఈ మాసం మంచి సమయం. కొద్దిపాటి కష్టంతో చేపట్టిన పనులు పూర్తి చేయగలుగుతారు. విద్యార్ధులకు మంచి కాలం. 9,10.16.25 తేదీలు విదేశీ ప్రయత్నములకు, నూతన ఉద్యోగ ప్రయత్నములకు అనుకూలమైనవి. ఋణాలు తొలగి ఊరట పొందుతారు. రావలసిన ధనం పొందుతారు.స్థిరాస్థి సంబంధ సమస్యలు తొలగుతాయి.

మార్చి 2022 మేష రాశి రాశీ ఫలాలు:

ఈ మాసంలో మిశ్రమ ఫలితాలు పొందుతారు. వ్యక్తిగత విషయాలలో కొద్దిపాటి మానసిక ఆందోళన లేదా నమ్మిన వారి వలన మోసం, ధన వ్యయం వంటి ఇబ్బందులు ఎదుర్కొంటారు. జీవిత భాగస్వామి నుండి ఆశించిన సహకారం లభించదు. ద్వితీయ మరియు తృతీయ వారంలో ఆరోగ్య సమస్యలు పొందుటకు సూచనలు ఉన్నవి. 22 వ తేదీ తదుపరి నూతన ఆలోచనలు కార్యరూపం దాల్చును. ముఖ్యంగా 26, 27, 28 మరియు 29 తేదీలలో శుభ ఫలితాలు లభించుటకు అవకాశం ఉన్నది. .